Shoqata Afariste Rahovec në Rahovec, të përfaqësuar nga Kryetari z. Mustaf Korenica dhe nenkryetar z. Nevzat Haxhijaha, së bashku me përfaqësuesit e bizneseve, mori pjesë në takimin të cilin e organizoi Kryetari i Komunës z. Smajl Latifi, në bashkëpunim me USAID-in.
Më datën 19.07.2024, u mbajt Takimi i Këshillit Publiko-Privat, i organizuar nga Kryetari i komunës z. Smajl Latifi, në bashkëpunim me USAID-in, të përfaqësuar nga Drejtoresha e projektit për Qeverisjen e Pronës, zonjë Jennifer N. Ober.
Në takim morën pjesë Kryetari i Komunës z. Smajl Latifi me stafin e tij, Erhan Morina, Drejtor për Ekonomi, Afrim Oruqi, Drejtor për Kadaster dhe Pronë, si dhe Drejtori për Urbanizëm dhe Mbrojtje të Mjedisit, z. Albnor Mullabazi.
Kryetari i Komunës dhe drejtorët, së bashku me përfaqësuesit e bizneseve, diskutuan rreth listës së pronave komunale për shfrytëzim, paraqitën Hartën Zonale për arritjen e qëllimeve afatgjata dhe adresimin e nevojave të komuniteteve.
Shoqata e Bizneseve, e cila u përfaqësua nga Kryetar z. Mustaf Korenica me anëtarë të shoqatës, si dhe disa biznese, paraqitën kërkesat e tyre si partner strategjik. U diskutua mundësia potenciale për investime. Diskutimi u përqendrua kryesisht në Hartat Zonale dhe shfrytëzimin e pronave komunale për investime.
Nga komuniteti i biznesit u kërkua që të informoheshin për Zonat industriale ose Parkun industrial në Apterushe, për shfrytëzimin e hapësirave për nevojat e bizneseve.
Kryetari i Komunës z. Smajl Latifi, Afrim Oruqi, Drejtor për Kadaster dhe Pronë, Albnor Mullabazi, Drejtor i Urbanizmit, si dhe Erhan Morina, Drejtor për Ekonomi, i informuan të pranishmit për Hartat Zonale, zonat industriale, agroturizmin. Z. Nevzat Haxhijaha parashtroi pyetjen lidhur me Hartën Zonale dhe ndërtime të larta në etazhitet.
Drejtori për Urbanizëm, Arlind Mullabazi, u përgjigj se edhe në Planin e vjetër është paraparë zona industriale. Drejtori për Ekonomi, z. Erhan Morina, shpjegoi se zonat janë të përfshira në PZHK dhe ka mundësi për t’u shfletuar. PZHK është në faqen e internetit të Komunës.
Z. Mustaf Korenica i drejtua pyetjen Kryetarit z. Smajl Latifi: “Qeveria juaj duhet të formojë një grup punues në bashkëpunim me shoqatën, shoqërinë civile dhe komunitetin e bizneseve.” Kryetari i Komunës z. Smajl Latifi i njoftoi të pranishmit lidhur me dy festivale që do të organizohen.
Në fund, Kryetari falënderoi të gjithë të pranishmit në takim dhe për kontributin e tyre. Më 3 Gusht do mbahet Festivali në Krush të Madhe, si dhe në Shtator HARDH-Festi në Rahovec.
Në fund, u falënderua për pjesëmarrjen në takim.
