Abetare

Kompania Abetare, e themeluar në vitin 1989, ka luajtur një rol të rëndësishëm në industrinë e librave, materialit shkollor, materialit zyrtar dhe pajisjeve për kabinetet nëpër shkolla. E nisur si një biznes familjar, kompania filloi aktivitetin e saj në një periudhë të vështirë ekonomike dhe politike për Kosovën, por qëndroi e vendosur për të përmbushur nevojat e komunitetit lokal për literaturë shqipe.

Në vitet e para të funksionimit, Abetare filloi me një dyqan të vogël në qytetin e Rahovecit, duke ofruar kryesisht libra dhe materiale shkollore për nxënësit dhe mësuesit. Me kalimin e kohës, kompania zgjeroi gamën e produkteve të saj për të përfshirë gjithashtu material zyrtar dhe pajisje për laboratorët shkollorë, duke iu përgjigjur kërkesave në rritje të tregut.

Gjatë viteve 1990, kompania përballoi sfida të mëdha për shkak të situatës së paqëndrueshme politike dhe ekonomike në Kosovë. Megjithatë, përkushtimi dhe puna e palodhur dhe menaxhimit të kompanisë e ndihmuan Abetare-n të mbijetojë dhe të rritet. Gjatë kësaj periudhe, kompania zhvilloi marrëdhënie të ngushta me shkollat dhe institucionet arsimore, duke u bërë një furnizues i besueshëm për materiale edukative.

Pas përfundimit të luftës në Kosovë, kompania Abetare nisi një fazë të re të rritjes dhe zgjerimit. Teknologjia moderne dhe inovacioni u bënë pjesë e strategjisë së kompanisë, duke përmirësuar efikasitetin dhe cilësinë e shërbimeve të ofruara. Duke u bazuar ne metodat më të reja të mësimdhënies të zhvilluara në vendin tone, kompania ka realizuar projekte të shumta në furnzimin e shkollave me mjetet e nevojshme për kabinetet shkollore, të cilat janë realizuar në bashkëpunim me institucionet vendore, vetë shkollat përkatëse publike dhe private dhe organizatat e ndryshme ndëkombëtare. Disa prej tyre përfshijnë: pajisjet teknologjike të avancuara, pastaj me mjete shkencore për lëndët si kimia, biologjia, fizika, matematikë, gjeografi, histori art figurativ, edukatë muzikore, edukatë figurative dhe lëndët e gjuhëve, të cilat kanë nxitur interesin e nxënësve për lëndët mësimore përmes mësimit praktik.

Sot, kompania Abetare është një lider në tregun e zhvillimit të pajisjeve për laboratorët shkollorë në Kosovë. Me një histori të gjatë të operimit dhe një angazhim të vazhdueshëm për cilësi dhe inovacion, Abetare vazhdon të luajë një rol të rëndësishëm në mbështetjen e edukimit dhe zhvillimit të shkollave dhe institucioneve arsimore në vend. Në të ardhmen, kompania po punon dhe synon të zgjerojë veprimtarinë e saj, në shitjen me shumicëcë të këtyre materialeve, si dhe në shtimin e brendeve të reja, kryesisht nga lëmia arsimore.