Bodrumi Vjeter

Bodrumi i Vjetër eshte bodrumi i pare ne Kosove i themeluar në vitin 1953 si ndërmarrje në pronësi publike deri ne privatizimin e Bodrumit në vitin 2006, duke vazhduar të njëjtin aktivitet por me emrin e ri Bodrumi i Vjetër, i cili funksionon në kuadër të “BODRUMI I VJETËR” SH.P.K. Rahovec.

Në kohën e privatizimit, ndërtesa ishte në kushte të këqija dhe mezi funksiononte. Duke përdorur pajisje të importuara nga Gjermania, Italia dhe Franca, ndërtesa u rindërtua në kohë për vjeljen e vitit 2006, duke filluar me nje kapacitet prej rreth 1 milion litra. Pas investimeve pergjate viteve, tani veraria jone ka kapacitet prej 6.5 milion litra verë të cilësisë së lartë.

Zona e vreshtave të Rahovecit është pjesë e nënrajonit jugor të rajonit vreshtar të Kosovës dhe i përket zonave më të spikatura të vreshtarisë në Kosovë. Ka të dhëna se në këtë rajon rrushi është kultivuar që nga koha ilire, 2000 vjet më parë. E gjithë vreshtaria e kësaj zone shtrihet në terren kodrinor në lartësinë 340 – 600 metra.

Falë kushteve ideale agroekologjike, teknologjisë më të mirë të mundshme, si dhe stafit profesional, Bodrumi i Vjetër në Rahovec vazhdon ta ruajë traditën dhe të prodhojë verëra me gjenezë të lartë gjeografike në përputhje me standardet evropiane, si: Cabernet Sauvignon, Merlot, Pinot Noir, Vranç prej varieteteve të verës së kuqe; ndërsa nga varietetet e verës së bardhë: Chardonnay, Riesling Rhine, Riesling Italian dhe, gjithashtu prodhon pije alkoolike: Rakia e Kosovës, Darda Extra dhe Darda, duke pasur gjithmonë parasysh rëndësinë e zhvillimit të paletës me produkte dhe shije të reja.

Falë produkteve tona ne eksportojmë në: Shqipëri, Bosnjë dhe Hercegovinë, Kroaci, Gjermani, Republikën Çeke, Holandë, Zvicër, Belgjikë, Japoni, Norvegji, Poloni etj.

Produktet tona jane prezente ne rrjete sociale si Facebook dhe Instagram, por gjithashtu kemi here pas here reklamim edhe ne emisione te ndryshme televizive si dhe evente te ndryshme ne forme sponzorimi.

Numri i punetoreve aktual eshte 30 me kontrate te rregullt dhe 10-15 (sipas nevojes) shtohen me kontrate sezonale