+383 46 330 003
21000 Rahovec, Kosovë
Shoqata AfaristeShoqata AfaristeShoqata Afariste
Anëtarësohu

Rreth nesh

Për ne

Shoqata e Bizneseve Rahovec, është një organizatë joqeveritare që ka funksionuar që nga viti 1992.

Bizneset e Rahovecit në atë periudhë janë angazhuar në shumë aktivitete të ndryshme që kanë kontribuar. Duhet të falenderojmë të gjithë themeluesit që kanë dhënë kontributin e tyre në themelimin e Shoqatës. Bizneset e Komunës së Rahovecit janë bashkuar për të qenë të vendosur, besnikë dhe të përgjegjshëm për shoqërinë në punësim dhe zhvillimin ekonomik.

Qëllimi i themelimit të Shoqatës së Bizneseve Rahovec është t’i mbështesë interesat e bizneseve, të promovojë prosperitetin ekonomik, të kontribuojë në aspektin komercial të bizneseve të vogla, të mesme dhe të mëdha, me synimin e integrimit të shoqërisë në aspektin e zhvillimit ekonomik dhe biznesor. Në përputhje me objektivat e saja, Shoqata organizon trajnime profesionale për ngritjen e kapaciteteve të komunitetit biznesor, trajnime për menaxhimin e projekteve, bën hulumtimin e tregut, lobon dhe avokon për hapjen e diapazonit dhe mundësive të reja ekonomike, vepron si partner në organizimin e panairëve të ndryshme kombëtare dhe ndërkombëtare, duke ndërmjetësuar për pjesëmarrjen e anëtarëve të saj në to. Shoqata ka zhvilluar bashkëpunim me Organizata të shumta Qeveritare dhe Joqeveritare, si USAID-i, Oda Ekonomike e Kosovës, Oda Turko-Kosovare, Oda Amerikane, Ministria e Industrisë dhe Tregtisë, si edhe me organizma relevante të rëndësishme, por gjithashtu edhe me vendet e rajonit, si Institucione dhe Odat e Tregtisë së Republikës së Turqisë.

Misioni Ynë

Shoqata e Biznesit është një prej kanaleve më të mira për informacion dhe bashkëpunim. Ky bashkëpunim është një komponent kyç për zhvillimin e biznesit dhe ofron mundësinë për t’u lidhur me njëri-tjetrin, për t’i shkëmbyer idetë dhe përvojat përmes të cilave fuqizohen dhe rriten interesat ekonomike. Prandaj, Shoqata organizon takime të rregullta mujore në të cilat i fton anëtarët e vet për t’i shpalosur idetë, arritjet, ngacmimet apo problemet të cilat mund të paraqiten dhe falë shkëmbimit të përvojave të tilla kërkon zgjidhje për menaxhimin e këtyre problemeve, ose adresimin e tyre në institucionet e duhura. Shoqatat e biznesit janë avokatë të natyrshëm për sektorin privat, dhe insistojnë që pikëpamjet e bizneseve të dëgjohen dhe të miratohet legjislacioni pro biznesor. Në këtë mënyrë, pra përmes zhvillimit të dialogut me legjislacionin dhe departamentet përkatëse, mbrojnë interesat e sektorit privat. Nga kjo përfitojnë në radhë të parë anëtarët e saj, pastaj edhe shoqëria e gjerë.

Vizioni Ynë

Numri i anëtarëve rritet gjithnjë e më shumë. Shoqata inkurajon dhe mirëpret biznese të cilët veprojnë në përputhje me Etikën Tregtare, të anëtarësohen dhe të përfitojnë nga përvoja e saj e pasur në mënyrë që ta avancojnë dinamikën e tyre biznesore. Inkurajon biznese të Vogla dhe të Mesme që përmes shkëmbimit të përvojave me miqtë dhe anëtarët e Shoqatës të marrin guxim për shtytjen më tej të bizneseve të tyre nga ato të Vogla në të Mesme, kurse ato të Mesme në biznese të Mëdha. Shoqata ka vepruar dhe gjithmonë do të veprojë për krijimin e një mjedisi të përshtatshëm biznesor, si për import ashtu edhe për eksport dhe njëkohësisht rekomandon adaptimin e vlerave të konkurrencës së shëndosh në treg. Shoqata synon edhe gjetjen e eksportit për biznese Industriale në rajon dhe më gjerë, qoftë përmes promovimit të produkteve vendore, apo edhe përmes kontakteve me miqtë dhe bashkëpunëtorët regjional.